İçəri şəhərdə yerləşən “Cümə” məscidi – Bakının cami məscidi tarixi abidədir – onun 1000-ə yaxın yaşı vardır. Sovet rejimi dovründə məscid tə’yinatına uyğun olmayaraq istifadə olunurdu. 25 avqust 1992-ci il tarixində dini icma məsciddə dini fəaliyyəti bərpa etməyə nail oldu. Məscidin dini icması 1992-ci ilin dekabr ayında Bakı şəhərinin Səbayıl rayon icra hakimiyyətində, 1993-cü ilin mart ayında isə Azərbaycan Respublikasının Ədliyyə Nazirliyində dövlət qeydiyyatından keçdi.
     Məscidin dini icması, mə'nəvi-əxlaqi dəyərləri təbliğ edir, cəmiyyətdə tolerantlıq və dozümlülük abu-havasının qurulması (bərqərar olması) üçün böyük işlər gorür.
     Məscidin dini icması kommunist rejiminin çoxillik ateistik təbliğatının nəticəsində güclü deformasiyaya uğramış ictimai şüurun müsbət formalaşdırılması ilə bağlı fəaliyyətə çox mühüm əhəmiyyət verir.
     Bu baxımdan, məscidin dini icması tərəfindən, mənəvi-əxlaqi dəyərlərin və tarixi izin bərpasına yönəlmiş proqramlar həyata keçirilir. Öz məqsədlərinin realizəsi üçün dini icmanın nümayəndələri, tez-tez KİV-lərində çıxış edirlər. Məscidin imamı bir neçə müstəqil qəzetdə müvafiq rubrikalar aparır. İcma həftəlik informasiya-analitik bülleten dərc edir (buraxır).
     Öz qarşısında duran məsələlərin realizəsi üçün “Cümə” məscidi dini icması “İslam-İttihad” cəmiyyəti ilə birgə aşağıdakı programları həyata keçirirlər:

• “Əsma-ul-Husna” proqramı.
• “Yetimsiz Vətən” proqramı.
• “Narkomaniya və Alkoqalizm əleyhinə mübarizə” proqramı.
• “İslam maarifi” proqramı.
• “Dar-ul-Hikmət” (“Hikmət evi”) elmi-tədqiqat disput mərkəzi.
• Vətənə sevgi