Proqram başlanğıcını 1998-ci ildən götürür. O zaman Azərbaycanda ilk dəfə olaraq, İçərişəhər “Cümə” məscidinin dini icmasının və “İslam-İttihad” cəmiyyətinin təşəbbüsü ilə dini günlərlə əlaqədar olaraq, talassemiyalı xəstə uşaqlara yardım etmək məqsədilə qanvermə kompaniyası keçirilməsinə adət yarandı. 2002-ci ilin əvvəlində isə, yuxarıda qeyd edilən təşkilatlar bu sahədə həyəcanlı vəziyyəti nəzərə alaraq və talassemiyalı xəstə uşaqların valideynlərinin - “Savab Dünyası” Assosiasiyasının müraciətinə diqqətlə yanaşıb “Əsma-ul-Husna” (Allahın gözəl adları) proqramını tə’sis etdilər. Proqramın əsas məqsədi – “qan bacı və qardaşları” – donorlarından ibarət himayə qruplarının təşkili və bunun vasitəsilə, daimi əsaslarla, günahsız uşaqların donor qanı ilə tə’min olunması məsələsini həll etmək idi.
     Bu müsbət proseslərin məntiqi davamı olaraq, Respublikanın hemofiliyalı xəstələr assosiasiyası da kömək üçün “Əsma-ul-Husna” proqramın artıq nəinki talassemiyalı xəstə uşaqlara, həm də hemofiliyalı xəstələrə himayəçilik edirdi.
     Volontyorluğun təbliği üçün, “Əsma-ul-Husna” proqramı çərçivəsində seminarlar, foto sərgilər, müsabiqələr və həkim, jurnalist, uşaq və onların valideynlərinin dindar (inanclı) “qan bacı və qardaşlarının” iştirakı ilə sair tədbirlər keçirilir.
     2004-cü ilin əvvəlindən başlayaraq "Əsmə-ul-Husna" proqramının Koordinasiya Şurası donor kampaniyalarının sayını ildə on dəfədən az olmayaraq keçirilməsini qərara almışdır.